Нидерландия терма жамоаси ва «Лион» ҳужумчиси Мемфис Депай «No Love» номли қўшиқ куйлади. У рэп йўналишида куйланган бўлиб, Депай қўшиққа ҳаттоки видеоклип ҳам суратга олдирди. Бу ҳақда «Чемпионат.com» хабар берди.
Мемфис Депай клипни YouTube’даги каналига жойлаштирган.
Мемфис 2017 йилнинг январида «Манчестер Юнайтед»дан «Лион» таркибига келиб қўшилганди. Ушбу мавсумда 24 ёшли нидерландиялик футболчи Франция чемпионати доирасидаги баҳсларда 18 та ўйинда майдонга тушиб, 5 та гол урди ва 7 та голга ассистентлик қилди. Чемпионлар Лигасида эса ярим ҳимоячи 6 та учрашувда рақиб дарвозасига 1 та тўп киритиб, 4 та голли узатма берди.
«Лион» Франция чемпионатида 32 очко тўплаган ҳолда, мусобақа рейтингида 3-ўринни эгаллаб турибди.
«Лион» чемпионатнинг 20-турида «Реймс» клуби билан беллашади. Учрашув 2019 йил 11 январь куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)