Niderlandiya terma jamoasi va “Lion” hujumchisi Memfis Depay “No Love” nomli qo‘shiq kuyladi. U rep yo‘nalishida kuylangan bo‘lib, Depay qo‘shiqqa hattoki videoklip ham suratga oldirdi. Bu haqda “Chempionat.com” xabar berdi.
Memfis Depay klipni YouTube’dagi kanaliga joylashtirgan.
Memfis 2017-yilning yanvarida “Manchester Yunayted”dan “Lion” tarkibiga kelib qo‘shilgandi. Ushbu mavsumda 24 yoshli niderlandiyalik futbolchi Fransiya chempionati doirasidagi bahslarda 18 ta o‘yinda maydonga tushib, 5 ta gol urdi va 7 ta golga assistentlik qildi. Chempionlar Ligasida esa yarim himoyachi 6 ta uchrashuvda raqib darvozasiga 1 ta to‘p kiritib, 4 ta golli uzatma berdi.
“Lion” Fransiya chempionatida 32 ochko to‘plagan holda, musobaqa reytingida 3-o‘rinni egallab turibdi.
“Lion” chempionatning 20-turida “Reyms” klubi bilan bellashadi. Uchrashuv 2019-yil 11-yanvar kuni bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)