GM Uzbekistan «Фарғона Автомарказ» дилерлик марказига янги раҳбар тайинлади, деб хабар берди Spot.
GM Uzbekistan томонидан дилерлик корхоналарининг 9 ойлик якунларини ўрганиш давомида «Фарғона Автомарказ» МЧЖда тизимли равишда хато ва камчиликларга йўл қўйилганлиги аниқланди. Мавжуд камчиликларни бартараф этиш янги тайинланган директор в.б. Эркин Икромов зиммасига юклатилди.
«Мониторинг ўтказишдан асосий мақсад 2018 йил бошидан компанияга жисмоний ва юридик шахслардан дилерлик корхона фаолиятига доир 100 га яқин мурожаат келиб тушган. Мурожаатлар автосалоннинг мижозларга нисбатан қўпол муомала ҳамда коррупцион ҳаракатлари билан боғлиқ», — дейилади хабарда.
Шунингдек, автосалонда сотув жараёнлари шаффофлигини таъминлайдиган ва автомобиль сотиб олаётган мижозларга қулай шароит яратувчи тизимли иш ташкил қилинмаган. Ходимларнинг малакасизлиги мижозлар билан мулоқотда белгиланган савдо тартибига мос келмаган.
Ахборот стендлари ва мониторларда маълумотларнинг янгиланмаслиги ва ишламаслиги ходимлар ва «Call-марказ» хизмати стандартларга жавоб бермаслиги харидорларнинг зарурий маълумотлар олишларига тўсқинлик қилган.
Изоҳ (0)