Ўзбекистонда экспортни қўллаб-қувватлаш миллий тизими ташкил этилади. Унинг фаолияти Ташқи савдо вазирлиги томонидан мувофиқлаштирилади. Бу Президентнинг «Экспортга кўмаклашиш ва уни рағбатлантиришни кучайтириш чора-тадбирлари тўғрисида»ги қарорида кўзда тутилган.
Ҳужжат билан Ташқи савдо, Молия, Иқтисодиёт вазирликлари, Марказий банк, Инвестициялар бўйича ҳамда Рақобатни ривожлантириш қўмиталарининг:
Миллий банк ҳузуридаги Кичик бизнес ва хусусий тадбиркорлик субъектларининг экспортини қўллаб-қувватлаш жамғармаси негизида Ташқи савдо вазирлиги ҳузуридаги Экспортни рағбатлантириш агентлигини ташкил этиш;
«Ўзбекинвест» суғурта компаниясига экспорт кредитлари ва операцияларини суғурталаш вазифасини юклашва уни Ташқи савдо вазирлигига ўтказиш;
Ташқи савдо вазирини «Ўзагроэкспортбанк» кузатув кенгаши раиси этиб сайлаш;
Ўзбекистонининг хориждаги элчихоналари қошида савдо ваколатхоналарини ташкил этиш тўғрисидаги таклифлари қабул қилинди.
Молия вазирлиги 2019 йилдан бошлаб ҳар йили давлат бюджети параметрларини шакллантиришда 15 миллион АҚШ долларидан кам бўлмаган миқдордаги маблағни Ташқи савдо вазирлиги ҳузуридаги Экспортни рағбатлантириш агентлигига ажратиши кўзда тутилмоқда.
Изоҳ (0)