Ўзбекистон ва Қозоғистон учун умумий бўладиган Silk visa 2019 йилнинг февраль ойида жорий қилиниши мумкин. Бу ҳақда Ўзбекистон Туризмни ривожлантириш давлат қўмитаси расининг биринчи ўринбосари вазифасини бажарувчи Улуғбек Қосимхўжаевга таяниб, «Газета.uz» хабар берди.
Улуғбек Қосимхўжаевнинг маълум қилишича, Silk visa лойиҳаси икки мамлакат идораларида келишувдан ўтган, техник масалалар ва қурилмалар юзасидан келишувга эришиш қолган, холос.
Қайд этилишича, умумий визага Қирғизистон ва Тожикистон қизиқиш билдирмоқда, Туркманистон ҳозирча истиқболни ўйлаб кўрмоқда.
Туризм қўмитаси вакилининг сўзларига кўра, Қозоғистон бу лойиҳага Озарбайжон ва Туркияни ҳам қўшишни таклиф қилмоқда.
Изоҳ (0)