Daniya terma jamoasi sobiq yarim himoyachisi Stig Tefting ingliz jurnalistlariga o‘zining hayotida ro‘y bergan mudhish voqealarni so‘zlab berdi.
Tefting 13 yoshida ota-onasidan ayrilib qoladi (otasi xotinini o‘ldiradi va o‘z joniga qasd qiladi), ayni kuchga to‘lgan davrida endigina dunyo yuzini ko‘rgan o‘g‘lini yo‘qotadi, bundan tashqari qamoq jazosiga hukm qilinadi.
Tefting ota-onasining jonsiz holda yotgan holatini shunday tasvirlaydi. O‘g‘lining velosipedda bergan tormoz ovozidan so‘ng, oshxona derazasidan otasi yoki onasi ham qaramaydi. U bundan qattiq shubhalana boshlaydi.
Tefting uy ichiga kirarkan, unga Leydi laqabli iti tashlanadi. “Nimadir sodir bo‘lgandek edi”, — xotirlaydi Stig. Bir necha daqiqadan so‘ng, u uyga kiraverishda 41 yoshli otasining qonga belanib yotgan tanasini ko‘radi. Uning yonida esa otasi ovga o‘zi bilan olib ketadigan quroli ham yotardi. Oshxona eshigi yonginasida Stigning onasi — 34 yoshli Kristen jonsiz holatda yotardi.
“Men hech narsaga tushunmadim. Bu haqiqatmidi yoki yolg‘on… Xuddi yomon tush ko‘rayotgandek edim. 13 yoshda ham ota, ham onadan ayrilish men uchun juda og‘ir edi. Ammo men shu kungacha bo‘lgan xotiralar bilan yashashni o‘rgandim. O‘sha paytda qo‘limdan hech narsa kelmasdi. Ushbu voqea sodir bo‘lishining oldini olish uchun mening oldimda ikkita yo‘l bor edi — uyda bo‘lib, mudhish voqeaning oldini olishim mumkin edi yoki mening ham tirik qolishim gumon ostida edi”, — deya o‘tmishini yodga oladi Tefting.Futbol bo‘yicha 2002-yilgi Jahon chempionatida Tefting va Daniya terma jamoasi musobaqaning 1/8 finalida o‘z yurishini to‘xtatadi. Terma jamoa a’zolari uchun tashkillashtirilgan oqshomda Stig restoran boshqaruvchisining boshiga uradi. 2002-yilning oktabr oyida sud jarayoni bo‘lib o‘tadi, natijada Stigga 4 oylik qamoq jazosi tayinlanadi. U 2003-yilning aprelidan iyuliga qadar vaqtini qamoqda o‘tkazadi.
“Jahon chempionatidagi ishtirokimizni Kopengagenda nishonladik. Hamma sarmast edi. Restoran boshqaruvchisi menga tikilib qoldi. Uning yoniga bordim va: “Nimadir bo‘ldimi?” deb so‘radim. O‘sha vaqtda u mening boshimga uradi deb o‘yladim va bu ishni birinchi bo‘lib o‘zim qildim. Qo‘riqchi yurgurib keldi va meni ko‘chaga uloqtirdi. Shunday qilib qamoqxona paydo bo‘ldim.“Lekin qamoqxonada o‘tirganim bolamni yo‘qotganimning oldida hech gap emas. O‘g‘limning tirik qolishi uchun yana 10 yil o‘tirishga rozi bo‘lardim”,—deydi Stig.Bilasizmi, u yerda men qanday ish bilan mashg‘ul bo‘ldim? Maysa o‘rdim. Ajoyib mashg‘ulot. Yomg‘irli kunlarda ishlamasdim, shuning uchun velosipedda sayr qilardim yoki yugurishga chiqardim. Har kuni kechki payt futbol o‘ynardim — bu xuddi mashg‘ulotlar lageriga o‘xshardi”, — eslaydi Tefting.
2003-yilning bahorida Stig to‘rtinchi o‘g‘li Jon tug‘ilishi bilan meningit kasalligiga chalinganini ayolidan eshitadi. Oradan uch hafta o‘tgandan so‘ng chaqaloq olamdan o‘tadi.
“Buni eshitib tamom bo‘ldim. Bu hayotimdagi eng dahshatli kun edi. Hammamiz motam tutardik. Lekin men ushbu voqeada hech narsa qilolmadim. Tanamda Jonning surati tushirilgan tatuirovka bor. Nima qilmay, baribir uni qaytara olmayman. Hayotda o‘zgartirishga qodir bo‘lgan narsalarga ta’sir o‘tkazishing kerak. O‘zgartirish mumkin bo‘lmagan narsalarni boshdan kechirish insondan juda ko‘p quvvat talab qiladi”, — deya so‘zlarini yakunlaydi Stig Tefting.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)