Twitter фойдаланувчилари Вашингтондаги Оқ уй биносида пайқаб қолинган каламушни муҳокама қилмоқда, деб ёзади «Газета.ru».
Қайд этилишича, Оқ уйда яшовчи кемирувчилар ҳақидаги хабар 17 декабрда Fox News журналисти Жон Роберц томонидан эълон қилинган. Журналистнинг маълум қилишича, у Шимолий майсазорда турганида каламуш унинг оёғи устидан югуриб ўтиб кетган.
Independent нашри томонидан таъкидланишича, сўнгги ҳафталарда бутун Вашингтон бўйлаб каламушлар популяциясининг кўпайгани кузатилмоқда. Каламушлар шаҳарнинг асосий биносига етиб боргандан сўнг ижтимоий тармоқ фойдаланувчилари ўзларини ҳазиллардан тўхтата олмади.
Хусусан, Twitter фойдаланувчилари президент Дональд Трамп ўзининг кўплаб ёрдамчиларини ишдан бўшатганини, чунки уларга ишонмаганини эсга олган. Бошқа бир фойдаланувчи эса «каламушлардан бири президентнинг адвокати бўлганини» ёзган.
Изоҳ (0)