Ҳар йили Хитойнинг Шанхай шаҳрида ўтказиладиган машҳур Shanghai Marathon марафонини келаси йилдаёқ Тошкентда ўтказиш режалаштирилмоқда. Бу ҳақда Тошкент шаҳар ҳокимлиги ва Хитойнинг Runff (Suzhou) Sports Development компанияси вакиллари ўртасида бўлиб ўтган музокаралар якунида маълум бўлди.
Томонлар марафонни келаси йил мартида ташкиллаштиришни режалаштирмоқда. Ҳокимликдаги учрашувда марафонни ўтказиш жойи, трасса узунлиги, иштирокчилар сони билан боғлиқ масалалар муҳокама қилинди. Бундан ташқари, меҳмонлар таъкидлашича, лойиҳага чет эллик юлдузларни жалб қилиш кўзда тутилган.
Шанхайдаги марафон 2000 йилдан буён ўтказиб келинади, у жаҳон классификацияси бўйича олий бўлган олтин мақомни қўлга киритган.
Изоҳ (0)