Har yili Xitoyning Shanxay shahrida o‘tkaziladigan mashhur Shanghai Marathon marafonini kelasi yildayoq Toshkentda o‘tkazish rejalashtirilmoqda. Bu haqda Toshkent shahar hokimligi va Xitoyning Runff (Suzhou) Sports Development kompaniyasi vakillari o‘rtasida bo‘lib o‘tgan muzokaralar yakunida ma’lum bo‘ldi.
Tomonlar marafonni kelasi yil martida tashkillashtirishni rejalashtirmoqda. Hokimlikdagi uchrashuvda marafonni o‘tkazish joyi, trassa uzunligi, ishtirokchilar soni bilan bog‘liq masalalar muhokama qilindi. Bundan tashqari, mehmonlar ta’kidlashicha, loyihaga chet ellik yulduzlarni jalb qilish ko‘zda tutilgan.
Shanxaydagi marafon 2000-yildan buyon o‘tkazib kelinadi, u jahon klassifikatsiyasi bo‘yicha oliy bo‘lgan oltin maqomni qo‘lga kiritgan.
Izoh (0)