Саудия Арабистони Ташқи ишлар вазирлиги журналист Жамол Қошиқчининг ўлими қироллик сиёсатини ифодаламаслигини маълум қилди. Бу ҳақда «РБК» хабар берди.
«Саудия Арабистони Қўшма Штатлар сенати томонидан илгари сурилган қироллик ички ишларига аралашувни ўз ичига олган, халқаро ва ҳудудий нуфузига путур етказадиган даъволарни инкор этади», — дейилади вазирлик баёнотида.
Вазирлик АҚШ билан муносабатларини ривожлантиришда давом этишини, аммо валиаҳд шаҳзода Муҳаммад бин Салмонга қаратилган айблов ва ҳурматсизликни инкор этади.
Вазирлик АҚШ сенатининг позицияси қиролликнинг бутун дунё ва Яқин Шарқдаги мавқейига таъсир қилмаслигини қайд этди.Аввалроқ, АҚШ Сенати Саудия Арабистони валиаҳд шаҳзодасини журналистнинг ўлимида жавобгар эканлигига ишончи билдириб резолюция қабул қилганди.
Сенаторлар томонидан журналистнинг ўлими билан боғлиқ ар-Риёд баёноти АҚШ ва қироллик ўртасидаги дўстона муносабатни йўққа чиқаргани таъкидланди. Улар шунингдек, журналист ўлимида айбдорлар ўз жазосини олиши кераклигини талаб қилди.Вашингтон Пост шарҳловчиси Жамол Қошиқчи 2 октябрь куни Саудия Арабистонининг Истанбулдаги консуллигига кирганидач ғойиб бўлган. Туркия ҳукумати унинг ўлимида 15 нафар саудияликни айбламоқда.
Дастлаб ар-Риёд унинг ўлимини инкор қилди, аммо кейинчалик журналистнинг ўлими тан олинди.
Изоҳ (0)