Англия терма жамоаси бош мураббийи Гарет Саутгейт ўз мамлакатида йилнинг энг яхши мураббийи дея тан олинди. Бу ҳақда Англия футбол ассоциациясининг расмий Twitter саҳифасида хабар берилди.
«Табриклаймиз, биродар!» — дейилади ФА баёнотида.
48 ёшли Саутгейт Англия терма жамоасини 2016 йилдан бошқариб келади. Унинг бошчилигида жамоа Россияда бўлиб ўтган 2018 йилги Жаҳон чемпионати саралаш мусобақасини муваффақиятли якунлаб, мундиалда эса тўртинчи ўринни эгаллади. Терма жамоа сўнгги 28 йил ичидаги энг яхши натижасини қайд этди.
2018 йилги Жаҳон чемпионатидан сўнг Англия терма жамоаси УЕФА Миллатлар Лигаси биринчи босқичида иштирок этди. Англия терма жамоаси А дивизиондаги Испания ва Хорватия жамоалари ўрин олган гуруҳда биринчи ўринни эгаллади. 2019 йил 6 июнь куни ярим финалда Англия терма жамоаси Нидерландия билан ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)