Angliya terma jamoasi bosh murabbiyi Garet Sautgeyt o‘z mamlakatida yilning eng yaxshi murabbiyi deya tan olindi. Bu haqda Angliya futbol assotsiatsiyasining rasmiy Twitter sahifasida xabar berildi.
“Tabriklaymiz, birodar!” — deyiladi FA bayonotida.
48 yoshli Sautgeyt Angliya terma jamoasini 2016-yildan boshqarib keladi. Uning boshchiligida jamoa Rossiyada bo‘lib o‘tgan 2018-yilgi Jahon chempionati saralash musobaqasini muvaffaqiyatli yakunlab, mundialda esa to‘rtinchi o‘rinni egalladi. Terma jamoa so‘nggi 28 yil ichidagi eng yaxshi natijasini qayd etdi.
2018-yilgi Jahon chempionatidan so‘ng Angliya terma jamoasi UEFA Millatlar Ligasi birinchi bosqichida ishtirok etdi. Angliya terma jamoasi A diviziondagi Ispaniya va Xorvatiya jamoalari o‘rin olgan guruhda birinchi o‘rinni egalladi. 2019-yil 6-iyun kuni yarim finalda Angliya terma jamoasi Niderlandiya bilan o‘ynaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)