Австралия бош вазири Скотт Моррисон Қуддус шаҳрини Исроил пойтахти сифатида расман тан олинганини маълум қилди, деб хабар берди «РИА Новости» .
«Австралия Ғарбий Қуддусни Исроил пойтахти сифатида тан олади», — дейди Моррисон Сидней институтида сўзлаган нутқида.
Унинг нутқи SBS телеканали орқали трансляция қилинган.
Шу билан бирга, Моррисоннинг айтишича, Австралия ҳукумати Қуддус шаҳрида савдо ва мудофаа ваколатхоналарини очишни режалаштирмоқда.
Унинг сўзларига кўра, мамлакат ўз элчихонасини Қуддус шаҳрига кўчирмаган, бироқ элчихона очиш учун муносиб жой излаш ишлари бошланган.
Австралия шу тарзда Қуддус шаҳрини Исроил пойтахти сифатида тан олган АҚШ, Гвателама, Чехия, Бразилия ва Гондурас каби мамлакатлар қаторидан ўрин олди.
Изоҳ (0)