Американинг Лонг-Айленд оролида яшовчи эркак уйининг ертўласида бедарак йўқолган отасининг скелетини топди. ДНК тести буни тасдиқлаган, деб ёзмоқда New York Post.
Майк Кэролл ва унинг болалари Хэллоуин байрамида ертўладаги скелетни топган. 12 декабрда полиция қолдиқлар эркакнинг отасига тегишли эканлигини тасдиқлаган.
Қироллик урушида иштирок этган Жорж Кэролл 1961 йилда изсиз йўқолган. Ўшанда Майк саккиз ойлик бўлган. Бутун умри давомида эркак отаси билан нима юз берганини аниқлашга уринган. 1998 йилда у онасидан уйни сотиб олган ва йиллар давомида қолдиқларни излаб ертўлани қазиган. Майкнинг сўзларига кўра, қачонлардир фолбин унга қолдиқларни айнан ертўладан қидириш кераклигини айтган.
Майкнинг журналистларга маълум қилишича, фолбин отасининг ёпиқ жароҳатдан ўлганини, унинг бошига қувур билан урилгани ва тириклайин ертўлага кўмиб юборилганини айтган.
Полиция ишни қотиллик сифатида кўрмоқда, бироқ Майк терговнинг давом этишини хоҳламаяпти. У отасини ҳарбийларча шараф билан дафн қилишни режалаштирмоқда.
Изоҳ (0)