Шотландиянинг Керколди шаҳрида яшовчи эркак шаҳар мэрияси ёнида ўрнатилган тўрт метрли Рождество арчасидан йиқилиб кетди ва ҳалок бўлди. Бу ҳақда «Газета.ru» хабар берди.
Хабар берилишича, тахминан 50 ёшда бўлган эркакни тунги клубдан тунги соат 02:00 да чиққан кишилар топган.
Тунги клуб директорининг сўзларига кўра, эркак тўрт метрли арчанинг тепасига чиққан ва у ердан майсазорга йиқилган. Жабрланган эркак кейинроқ касалхонада вафот этган.
Полиция эркакнинг ўлими шубҳали эмаслигини таъкидлаган, ҳодиса ҳолатларига аниқлик киритилмоқда.
Изоҳ (0)