Тўлин ой 16 декабрь куни 2018 йилнинг энг ёрқин Виртанен кометасини шу куни Ерга яқин бўлган масофага яқинлашишини кузатишга ҳалал беради. Бу ҳақда «ТАСС» хабар беради.
13 декабрь куни комета қуёшга жуда яқин келади, 16 декабрда эса Ердан 11,5 миллион километр масофада учиб ўтади ва Ердан Ойга қараганда 30 марта узоқроқ масофада бўлади. XXI асрда сайёрага атиги тўрт комета бундан ҳам яқин масофада яқинлашган.«Ҳозир биз Ерга энг яқин масофани кутяпмиз, бироқ осмонни Ой томонидан ёритилиши билан боғлиқ муаммо мавжуд. Ой кун сайин кўпроқ ва узоқроқ осмонда бўлиб, бизга 16 декабрь куни кометани кўришга имкон бермайди», — дейди Иркутск планетарий директори Никифоров.Виртанен кометасини бир неча ой давомида кузатиш мумкин, аммо унинг ёрқинлиги пасайиб боради.
7—11 декабргача Иркутск Планетарияси Ой ёрқин бўлишига қадар кузатувлар ўтказди. Павел Никифоровнинг сўзларига кўра, кейинги кузатувлар учун энг яхши давр 2—9 январь кунлари бўлиб, шу кунларда Иркутск астрономлари шаҳар ташқарисида барча истовчилар учун кузатувларни ташкил қилади.Новосибирскдаги Планетарий одамлар учун 14 декабрь куни комета кузатувини уюштиришни режалаштирганди, аммо шаҳарда кузатилган қорли об-ҳаво сабабли бунинг имкони бўлмайди.
Новосибирск давлат университети «Вега» расадхонасининг етакчи муҳандиси Михаил Масловнинг айтишича, Виртанен кометаси шаҳар ташқарисида яхши кўринади. «Виртанен кометаси бу йилнинг энг ёрқин ва энг қизиқарли кометаларидан бири бўлиб, ҳозирда у жанубий яримшардан кўтарилади ва унинг кўриниши кун сайин яхшиланади, ҳар ҳолда шаҳар ташқарисида...Масловнинг айтишича, Комета кўринишини унинг кенглиги аниқлайди, шу сабабли уни Узоқ Шарқ, Сибир, Урал ва Марказий Россияда ҳам аниқ кўрса бўлади.1,2 ядро километрига тенг Виртанен кометаси (46P/Wirtanen) 1948 йилнинг 17 январида америкалик Карл Виртанен томонидан кашф қилинган.
Изоҳ (0)