Самода ҳажми ой билан баробар комета пайдо бўлди

16 декабрь куни 46P/Виртанена кометаси Ерга 1,5 миллион километр масофада яқинлашади. Бу ҳақда «Gismeteo» хабар берди.

Бу космик эра бошланишидан буён энг йирик комета яқинлашуви бўлади. Комета ядроси 1 километр кенгликда, аммо яқинлашув ҳатто у қадар катта бўлмаган нарсаларни ҳам йирик кўрсатади. Газ атмосфераси билан бирга у ҳозир Ой ҳажмида кўринади. Американинг Луизиана штатида Майк Бруссард 2 декабрь куни кометани суратга олди ва таққослаш учун ёнига Ой суратини жойлади.

Аммо яқин келишига қарамай 46P/Виртанена кометаси ҳеч қачон «Хаякутакэ-1996» ёки «Хейла-Боппа 1997» кометаси сингари катта бўлолмайди. Унинг нисбатан кичик кир муз ва чангдан ташкил топган ядролари ёрқин дум ҳосил қила олмайди. Энг яхши ҳолатда у +3 ёки +4 булут сингари бўлади.

Массачусетс штатидаги (АҚШ) Кейп-Код ярим оролида фотосуратчи Крис Кук 46P/Виртаненани суратга олишда телескопга муҳтожлик сезмади. У 35-миллиметрли объектив билан кометани суратга олди.

Машҳур суратчи Хуан Карлос Касадо кометани Испаниянинг черков минорасидан туриб суратга олди ва янги суратчиларга суратга олишда RAW-форматдан фойдаланишни тавсия қилади. Экспозиция кўриниши эса фокус масофасига боғлиқ бўлади.