Хитойнинг Уси шаҳрида таэквондо WTF бўйича «Катта Дубулға» таснифига кирувчи мусобақа бошланди. Унда Ўзбекистон шарафини икки нафар спортчи – Никита Рафалович (-80 кг) ва Дмитрий Шокин (+80 кг) ҳимоя қилмоқда.
Кеча ҳар иккала спортчи ҳам мусобақадаги дастлабки жангларини ўтказди. -80 кг вазн тоифасида Ўзбекистон шарафини ҳимоя қилган Никита Рафалович илк даврада молдовалик Аарон Кукни 2:1 ҳисобида мағлубиятга учратди ва чорак финалга йўл олди. Энди у навбатдаги жангини россиялик Максим Храмсовга қарши ўтказади.
+80 кг вазндаги Дмитрий Шокин эса британиялик Маҳама Чога қарши даянга чиқди ва 2:0 ҳисобида ғалаба қозонди. Энди у ярим финал йўлланмаси учун кореялик Кё Дон Инга қарши жанг ўтказади. Чорак финал жанглари эртага, 14 декабрь куни бўлиб ўтади.
Маълумот учун, мусобақада биринчи ўринни қўлга киритган спортчи 70 000 АҚШ доллари миқдоридаги пул мукофоти билан тақдирланади. Иккинчи ўрин 20 000, учинчи ўринни эгаллаган спортчи эса 5 000 долларига эга чиқади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)