Намангандаги «Навбаҳор» футбол клуби тўп сурадиган «Марказий» стадион чими тўлиқ янгиланади. Бу ҳақда клуб вице-президенти Шамшод Сариков ПФЛ матбуот хизматига маълум қилган.
Айни дамда «Навбаҳор» жамоасининг уй стадионига Нидерландиядан сифатли чим олиб келиш бўйича фаол иш олиб борилмоқда.
ПФЛ клублардан яхши инфратузилмага эга бўлиш, айниқса, стадион ва яхши ҳолатдаги майдонда ўйинларни ўтказишни талаб қилаётгани жуда тўғри. Бу талабларнинг қатъий ижросини аллақачон қилиш керак эди. Мана бизнинг клуб ҳам ушбу талаблар ижроси «Навбаҳор» учун жуда фойдали эканини тўлиқ англаган ҳолда бу борада енг шимариб иш бошлаб юбордик.Эслатиб ўтамиз, аввалроқ «Бухоро» футбол клубининг стадиони аҳволи талаб даражасида бўлмаганлиги туфайли Суперлигадан четлатилиши мумкинлиги ҳақида ПФЛ томонидан огоҳлантирилганлиги ҳақида хабар берилганди.«Марказий» стадионнинг ёнгинасида бизнинг захира майдонимиз ҳам мавжуд. Айнан мана шу захира майдони чимини ҳам яхши ҳолатга келтирмоқдамиз. Шу билан бир қаторда асосий ўйинларимиз ўтадиган «Марказий» ўйингоҳда идеал ҳолатдаги чимга эга бўлиш борасида ҳам ишлаяпмиз. Чимни Нидерландиядан олиб келамиз. Ҳозирда «Марказий» стадиондаги майдон чимини эҳтиёткорлик билан кўчириб олиб, уни захира майдонига ўтказяпмиз. Асосий стадион майдонига эса Нидерландиядан келтириладиган сифатли чим жойлаштирилади.Чимни ҳамиша яхши ҳолатда ушлаб туриш учун унга мавсум давомида ҳам яхшилаб парвариш лозим бўлади. Шуни инобатга олиб, суғориш тизимини ҳам италян технологияси асосида янгилаяпмиз. Парваришлайдиган ускуналар ҳам замонавийларига алмаштириляпти.
Яқин орада Намангандаги «Марказий» ўйингоҳда ҳам сифатли майдон бўлади ва мухлислар насиб этса келгуси йили яхши ҳолатдаги майдондаги ўйинларимизни мазза қилиб томоша қилишади.
Янги мавсум олдидан яхши тузилмага эга бўлиш учун анча тер тўкамиз ҳали. Яна бир янгилик шундан иборатки, Тўрақўрғонда «Навбаҳор» жамоаси учун янги ўқув-машғулот қароргоҳи барпо этиш ишлари ҳам бошланиш арафасида. Бу борада ҳали яна батафсил маълумот берамиз. Асосисйи шуни таъкидлай оламанки, яқин орада «Навбаҳор» Ўзбекистондаги энг яхши шароитга эга қароргоҳ билан таъминланади
Шамшод Сариков, «Навбаҳор» вице-президенти
Изоҳ (0)