Шоҳжаҳон Эргашевнинг рақиби ўзгарди, жанг эса 14 декабрь куни бўлади

14 декабрь, жума куни ўзбекистонлик профессионал боксчи Шоҳжаҳон Эргашев Россиянинг Краснодар шаҳрида фаолиятидаги навбатдаги жангини ўтказади.

Мазкур жангда Эргашевга аргентиналик Назарено Гастон Руиз рақиблик қилади. Бунгача Эргашев угандалик Бадру Луcaмбия билан жанг ўтказиши белгиланганди. Аммо бир неча кун олдин Шоҳжаҳоннинг рақиби ўзгарган.

Маълумот учун, Шоҳжаҳон шу кунгача профессионал рингда 15 маротаба жанг ўтказган ва уларнинг барчасида ғалаба қозонган. Баҳсларнинг 14 тасида у рақибларини муддатидан олдин мағлуб этган. Руиз эса бунгача 49 маротаба рингга кўтарилган ва уларнинг 32 тасига ғалаба қозонган (11 та нокаут). 17 маротаба имкониятни бой берган (2 та нокаут).

Жангга Краснодардаги «Олимп» спорт саройи мезбонлик қилади.