Telia Company швед-фин компанияси АҚШ Адлия вазирлигини ўзининг Ucell’даги барча улушини сотгани ва Ўзбекистон бозорини тарк этгани ҳақида хабардор қилган, деб ёзмоқда «Podrobno.uz».
5 декабрь куни Telia Company Coscom компаниясининг акцияларидаги барча улушини 215 миллион доллар эвазига Ўзбекистон Давлат рақобат қўмитасига сотганини маълум қилган эди.
Маълумот учун, 2014 йилда АҚШ Адлия вазирлиги Ўзбекистон телекоммуникацион бозоридаги коррупция ҳолатлари бўйича MTS, VEON (шу жумладан россиянинг VimpelCom компанияси) ҳамда Telia Company АБ (аввалги номи TeliaSonera)ларга қарши тергов бошлаган эди. Бунга сабаб эса, учала алоқа операторининг акциялари АҚШ биржаларида савдода бўлганлиги қилиб кўрсатилганди.
Ўзбекистон бозорига чиқиш учун алоқа компаниялари «қора» схемалар ёрдамида 2006 йилдан 2011 йилнинг октябрь ойигача пора бериб келишган.
2016 йилда VimpelCom ўз фаолияти устидан очилган жиноят ишлари ёпилиши учун АҚШ ва Нидерландия назорат идораларига 795 миллион АҚШ доллари миқдорида жарима тўлашга рози бўлган.
Маълумот учун, Coscom компаниясида 1250 нафарга яқин ходим ишлаб келмоқда. Абонентлар сони 7,1 миллион атрофида. Компания янги 2G тармоғи мамлакатнинг 97%ни, 3G тармоғи эса 60% ни қамраб олган.
Ucell мобил операторига UzMobile миллий мобил алоқа операторининг собиқ бош директори Владимир Кравченко бош директор қилиб тайинланган.
Изоҳ (0)