Россия Европага «ядро саҳроси» билан таҳдид қилди

Ўрта ва яқин узоқликдаги Америка ракеталарининг ўрнатилиши «Кичик ва ўрта узоқликдаги ракеталарни тугатиш тўғрисида»ги шартномадан чиқишни келтириб чиқариши мумкин. Шунингдек, Америка базаларини Польша ва бошқа шарқий Европа мамлакатларида жойлаштирилиши, ушбу ҳудудларни ҳарбий пласдармга айлантиради ҳамда ушбу давлатлар аҳолисига хавф туғдиради. Бу ҳақда ҳарбий эксперт Владислав Шуригин «Известия»га хабар берди.

«Улардан исталгани потенциал ядро саҳросига айланади», — дейди у.«Ўзида бундай ракета ўрнатилишига йўл қўядиган ҳар қандай шарқий Европа давлати ўзини дунё картасидан ўчиради. Америка ҳарбийларини таклиф қилаётган сиёсатчилар ўз аҳолисини атом ёмғири остида қолдиради. Бундай вазиятда ушбу мамлакатларнинг тинч аҳолиси ҳатто гаровдаги инсон ҳам эмас. Бу отишмада қолиб кетаётган гаровдагилардир», — деб ҳисоблайди эксперт.

Айни дамда Калининград вилояти чегарасидан ҳисоблаганда «уруш йўлаги»нинг чуқурлиги 500 километрни ташкил қилади, бу ҳолатда прибалтияликлар гаровдагилар саналади, сабаби улар икки қадам олдинга фикрлаш қобилиятига эга эмас.

Америкаликларда Европа ҳисобига глобал вазифаларини ечиб олиш, масалан унинг ҳудудидан ўрта ва кичик яқинликдаги ракеталар билан ядро зарбасини амалга ошириш иштиёқи сақланиб қолади.

Октябрда АҚШ президенти Дональд Трамп Россияни «Кичик ва ўрта узоқликдаги ракеталарни тугатиш тўғрисида»ги шартнома шартларини бузганига таяниб, ушбу шартномадан чиқишини маълум қилган.«Кичик ва ўрта узоқликдаги ракеталарни тугатиш тўғрисида»ги шартнома Совет Иттифоқи ва АҚШ ўртасида 1987 йилда тузилган. Мазкур келишув иштирокчиларга баллистик ва қанотли ракеталарни ишлаб чиқариш, синаш ва учиришни тақиқланади.