Япониянинг Mitsubishi Heavy Industries корпорацияси бошчилик қиладиган Япония ва Франция давлат ва хусусий корхоналари иштирокидаги Консорциум Синоп шаҳрида қуриладиган АЭС қурилишида иштирок этишдан бош тортди. Бу ҳақда «ТАСС» хабар берди.
Унинг маълумотларига кўра, бу ҳолат лойиҳани амалга ошириш харажатлари 5 триллион иен (44 миллиард АҚШ доллар)гача ошиб кетгани билан боғлиқ, бу эса дастлабки ҳисоб-китоблардан икки баробар кўпдир. Ўсиш Япониянинг «Фукусима-1» станциясида юз берган авариядан сўнг талаблар ошиб кетиши ҳамда турк лираси курсининг тушиб кетиши билан боғлиқ.Маълумотларга кўра, консорциум қарори ҳам ички, ҳам ташқи бозорда қийинчиликка дуч келаётган Япония атом саноатига салбий таъсир кўрсатади. Натижада Япония учун тинчлик йўли билан амалга ошириладиган ягона хорижий лойиҳа бу Буюк Британияда АЭС қурилиши бўйича лойиҳа бўлиб қолиши мумкин.Туркиядаги биринчи «Аккую» АЭС Ўрта ер денгизи соҳилида жойлашган Мерсин провинциясида 2021 йилгача қурилиши керак. Бу ҳақда Россия ва Туркия 2010 йилда келишув имзолаган. Инвестицияларнинг умумий ҳажми 22 миллиард АҚШ долларни ташкил қилади. Айни дамда лойиҳа тўлиқ Россия томонидан молиялаштирилмоқда, шу билан бирга «Росатом» манфаатдор томонларга 49% улушни сотиш ҳуқуқига эга.Анқара иккинчи атом электростанциясини Қора денгиз соҳилида мамлакат шимолидаги Синоп шаҳрида қурмоқчи. Лойиҳа қиймати 22—25 миллиард АҚШ доллар. Қурилишни 2017 йилда бошлаш режалаштирилган, аммо у ҳали ҳам бошланмади.
Изоҳ (0)