Узунлиги 100 метр кенглиги 60 метр бўлган ғор Уэллс-Грей провинциясида жойлашган. Бу ҳақда National Geographic хабар берди.
Олимлар ушбу ғорни ҳозиргача ҳеч ким кўрмаганлигини тахмин қилмоқда, сабаби кўп йиллар бу ғор қор билан қопланган. Эндиликда глобал исиш сабабли қор қопламаси секин чекинмоқда, улкан ғорни эса Канаданинг табиатни мухофаза қилиш вазирлиги апрелда вертолётдан буғуларни санаётганда аниқлаган.Сентябрь ойида ғорга илк тадқиқот гуруҳи йўл олди, бироқ улар ғорнинг чуқурлигини аниқлай олмади, улар 80 метр чуқурликгача тушишга муваффақ бўлди, уларнинг йўлини қор, муз ва сув тўсиб қўйди.
Ғоршунос Кэтэрин Хиксоннинг айтишича, ғор жуда улкан, унга қараган инсон ҳайратдан лол қолади.«Мен дунёнинг жуда кўп йирик ғорларида бўлганман, бу ғор нафақат Канада стандартлари учун жуда камёб. Бир четдан қараганда унинг 183 метргача чуқурлигини кўриш мумкин» — дейди ғоршунос.
Ушбу ғорни ўрганиш учун яқин йилларда бу ерга катта экспедиция юборилади, профессионал тадқиқотлардан ўтказилмагунча ғор кенг жамоатчиликдан сир сақланади.
Изоҳ (0)