29 ноябрь – 3 декабрь кунлари Беларусь пойтахти Минск шаҳрида таэквондо ITF йўналиши бўйича ёшлар, кадетлар ва катталар ўртасида Жаҳон Кубогида мусобақалари бўлиб ўтди, деб «Дарё»га хабар беради Жисмоний тарбия ва спорт вазирлиги матбуот хизмати.
Дунёнинг 18 давлатидан 1975 нафар спортчи иштирок этган ушбу мусобақада Ўзбекистон шарафини 53 нафар спортчи ҳимоя қилди. Ўзбекистонлик спортчилар мусобақада 18 та олтин, 9 та кумуш ва 18 та бронза медални кўлга киритиб, умумжамоа ҳисобида иккинчи ўринни эгаллади.
Маълумот учун, 8—9 декабрь кунлари Тошкентда таэквондо ITF спорт тури бўйича Ўзбекистон Кубоги мусобақалари бўлиб ўтади, тадбирда Халқаро Таэквондо ITF президенти ҳамда IMGС Бутун жаҳон якка кураш ва жанг санъати президенти иштирок этиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)