УЕФА ташкилоти клублар ўртасида 2021 йилда старт оладиган учинчи еврокубок мусобақаси ташкил этилганини тасдиқлади. Бу ҳақда ташкилот расмий сайтида эълон қилинди.
Янги мусобақа Чемпионлар Лигаси ва Европа Лигаси форматида ўтказилади. Гуруҳ босқичида 32 та жамоа иштирок этади.
Формат қуйидагича: 8 та гуруҳда 4 тадан жамоа, 1/8 финал, 1/4 финал, ярим финал ва финал. 1/8 финалдан олдин қўшимча плей-офф босқичи ўтказилади. Унда янги мусобақа гуруҳ босқичида 2-ўриннни олган жамоа билан Европа Лигаси гуруҳ босқичида 3-ўринни банд этган жамоа ўзаро куч синашади.
Янги мусобақа 141 та учрашувдан иборат бўлади. Умумий ўйинлар сони Европа Лигаси мусобақасиники билан бир хил. Баҳслар 15 ўйин кунида ўтказилади.
Мазкур мусобақа ғолиби Европа Лигасининг келаси мавсуми учун йўлланмани қўлга киритади. Ўйинлар ҳафтанинг пайшанба куни ўтказилади.
Клублар ўртасидаги мусобақаларнинг барча финаллари бир ҳафтада ўтказилади. Янги мусобақа ҳафтанинг чоршанба куни, Европа Лигаси — пайшанба, Чемпионлар Лигаси эса шанба куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз «Дарё»нинг Telegram’даги расмий спорт канали — @daryo_sport’га обуна бўлинг!
Каналга қўшилиш учун: @Daryo_sport
Изоҳ (0)