19 ёшли Мбаппе кучлик бешлик тўпурарлари орасида етакчига айланди​, ундан ҳатто Роналду ҳам ортда

2 декабрь, якшанба футбол бўйича Франция чемпионати 15-турида ПСЖ «Бордо» майдонига сафар қилиб, 2:2 ҳисобида дуранг қайд этди.

Мазкур ўйинда парижликлар ҳужумчиси Килиан Мбаппе битта гол уришга эришди. Бу 19 ёшли Мбаппе учун Лига 1’нинг жорий мавсумидаги 12-голи бўлди. Шу тариқа Килиан айни дамда Европанинг кучли бешлик чемпионатларидаги энг яхши тўпурарга айланиб олди.

• Ла Лига тўпурари — Кристиан Стуани («Жирона») 11 та гол;
• АПЛ тўпурари — Пьер-Эмерик Обамеянг («Арсенал») 10 та гол;
• А Серия тўпурарлари — Криштиану Роналду («Ювентус»), Кшиштоф Пёнтек («Женоа») 10 тадан гол;
• Бундеслига тўпурарлари — Пако Алькасер («Боруссия Д»), Лука Йович («Айнтрахт Ф») — 10 тадан гол.