Ўзбекистон ҳукумати ислоҳотларнинг кейинги босқичи доирасида пировард мақсадларини маълум қилди. Бу ҳақда «Дарё»га хабар берди.
2019—2021 йиллар учун тақдим этилган Йўл харитаси кейинги уч йиллик учун иқтисодий ислоҳотларнинг асосий йўналишларини белгилайди.
Йўл харитасининг асосий мақсади Ўзбекистоннинг рақобатбардош барқарор бозор иқтисодиётига ўтишини таъминлашдан иборат. Жаҳон банки ушбу ижобий динамикани маъқуллайди. Банк ҳукуматга миллий иқтисодиётнинг барқарор ўсишига кўмаклашиш ҳамда Ўзбекистон фуқароларининг ҳаёт даражасини кўтариш мақсадида ҳамкорликни давом эттиради.Ҳукумат томонидан тақдим этилган Йўл харитаси макроиқтисодий барқарорликни сақлаш, рақобатбардош бозор иқтисодиётига ўтишни тезлаштириш, аҳоли ижтимоий ҳимоясини ошириш каби истиқболли мақсадларни ўз ичига олади.Икки йил ичида Ўзбекистон иқтисодиётни ислоҳ қилишда сезиларли натижаларга эришди. Ҳукумат томонидан ушбу ислоҳотларнинг оқибатларидан ижтимоий оғир аҳволдаги аҳолини ҳимоя қилишга катта эътибор қаратилмоқда.Жаҳон банки гуруҳи Ўзбекистонда ислоҳотлар бошланганидан буён молиявий кўмак беради.
Жаҳон банкининг Ўзбекистондаги инвестиция портфели Европа ва Марказий Осиё ҳудудларидаги энг йириги саналади. Айни дамда Ўзбекистонда умумий қиймати 3,3 миллиард АҚШ доллар бўлган 18 та лойиҳа амалга оширилмоқда.
Улар мамлакатни иқтисодий ислоҳотларни, қишлоқ хўжалигини, тиббиётни, таълимни, энергетика, транспорт, рақамли ва ҳудудий ривожланишга йўналтирилган.
Изоҳ (0)