Фарғона чегара божхона пости ходимлари томонидан нақд хорижий валютанинг ноқонуний олиб чиқилишига доир навбатдаги қонунбузарлик ҳолатлари фош қилинди. Бу ҳақда «Дарё»га Божхона қўмитаси ахборот хизмати маълум қилди.
«Фарғона» чегара божхона пости орқали Қирғизистонга чиқиб кетаётган фуқаро А.З. назоратдан ўтиш чоғида оғзаки савол-жавоб қилинганда божхона ходимларида шубҳа уйғотди.
Шундан сўнг белгиланган тартибда холислар иштирокида шахсий кўрикдан ўтказилганда унинг эгнида бўлган ички кийими ичидан божхона ходимининг оғзаки сўровида маълум қилинмаган нақд 30 минг АҚШ доллари борлиги аниқланди.
Ҳуқуқбузарнинг курткаси ўнг чўнтагида 4 минг АҚШ доллари ва қўл сумкаси ичидаги ҳамёнида 510 турк лираси борлиги аниқланди.
Шу тариқа ушбу фуқародан жами 34 минг АҚШ доллари ва 510 турк лираси олинди.
Ҳозирда мазкур ҳолат юзасидан божхона текширувлари давом эттирилмоқда.
Изоҳ (0)