АҚШ президенти Дональд Трампнинг шахсий лайнери Нью-Йоркнинг Ла-Гуардия аэропортида бошқа самолёт билан тўқнашиб кетди. Бу ҳақда «РИА Новости» нашри хабар берди.
Маълумотларга кўра, ҳодиса кеча, 28 ноябрь куни эрталаб, икки моторли Бомбардиер Global Express лайнери тураргоҳ томон ҳаракатланаётганда Трампнинг тўхтаб турган Boeing 757 самолёти қанотига тегиб кетган.
Трамп мазкур Boeing 757 лайнеридан сайловолди кампанияси даврида ҳаракатланган. Бомбардиер Global Express лайнери бортида уч нафар экипаж аъзолари бўлиб, улардан ҳеч бири жабрланмаган.Trump Organization компанияси ҳодисани тасдиқлади ҳамда самолёт тураргоҳда фойдаланилмай турганлигини қайд этди.Нью-Йорк ва Нью-Жерси аэропортларининг порт бошқармаси ҳодиса аэропорт фаолиятига мутлақо таъсир қилмаганлигини маълум қилди. Самолётларга етказилган зарар аниқланмоқда.
Изоҳ (0)