Ҳукумат қарори билан ЮНЕСКО ишлари бўйича Ўзбекистон Республикаси миллий комиссияси тўғрисидаги низом тасдиқланди. Бу ҳақда «Ҳуқуқий ахборот» канали маълум қилди.
Низомга мувофиқ, таълим, илм-фан, маданият, оммавий ахборот воситалари ва коммуникациялар комиссия фаолиятининг асосий йўналишлари этиб белгиланди.
ЮНЕСКО ва Таълим, илм-фан ва маданият масалалари бўйича Ислом ташкилоти фаолиятида Ўзбекистоннинг халқаро обрўси ва ролини мустаҳкамлаш, мазкур халқаро ташкилотлар дастурларини ишлаб чиқиш ва амалга ошириш бўйича вазирликлар ҳамда идораларнинг фаолиятини мувофиқлаштириш комиссиянинг асосий вазифалари ҳисобланади.
Низомга мувофиқ умумжаҳон мероси рўйхатига киритилган тегишли ҳудудларда режалаштирилган қурилиш ва ободонлаштириш лойиҳалари комиссия билан келишилади.
Комиссия таркибига комиссия раиси, унинг ўринбосарлари, бош котиб ва комиссия аъзолари киради. Комиссиянинг бош котиби вазирнинг биринчи ўринбосарига тенглаштирилади ва Президент билан келишилган ҳолда ҳукумат томонидан лавозимга тайинланади ва озод этилади.
Изоҳ (0)