Аввалроқ «Дарё» нашри «Самарқандлик тадбиркор Сиёб бозори ҳудудида тартиб бўлишини истамоқда» сарлавҳали мақола чоп қилган эди. Самарқанд вилояти Давлат солиқ бошқармаси мазкур мақолада келтирилган ҳолатларни ўрганиб, унга ўз муносабатини билдирди. Бу ҳақда «Дарё» мухбири Фарҳод Норбўтаев хабар берди.
Бугунги кунда Самарқанд вилоят Давлат солиқ бошқармаси ҳамда шаҳар давлат солиқ инспекцияси ходимлари томонидан ҳудуддаги бозорлар ва савдо комплексларида белгиланган тартибда давлат рўйхатидан ўтиш, қўшимча ходим ёллаш қонун-қоидаларини тушунтириш ишлари олиб борилмоқда. Шу кунга қадар ўтказилган профилактик суҳбатлар натижасида 91 нафар фуқаро давлат рўйхатидан ўтказилиб, тадбиркорлик фаолиятини йўлга қўйди, 21 нафар фуқаро эса тадбиркорлик фаолиятини қайта тиклади. Тадбиркорлар томонидан 43 нафар фуқаро ёлланма ходим сифатида рўйхатдан ўтказилди.Белгиланган тартиб-қоидаларга мувофиқ, якка тартибдаги тадбиркор ёлланма ходимни рўйхатдан ўтказиши лозим. Ишчи ходим ёллаган тадбиркор фаолияти юзасидан бошқа тартибда рўйхатдан ўтмайди, ёлланма ишчи ходим эса савдо-сотиқ жараёнида бевосита иштирок этишини таъкидлаш ўринли.Жисмоний шахс фаолият туридан келиб чиққан ҳолда рўйхатдан ўтказилиши ва шунга мос равишда солиқларни тўлаши лозим, шу сабабли якка тартибдаги тадбиркор фаолият юритиши учун солиқ тўловини камроқ тўлашни мақсад қилган, деб ҳисоблаш ҳам ноўрин.
Изоҳ (0)