ЎзА Наманган вилояти Косонсой туманидаги носоз йўллар ҳақида танқидий хабар эълон қилди.
Туманнинг Ровот, Навжартепа, Чиндовул-Ровот, Қайтмас-Тергачи йўлларидаги носозликлар киши дилини хуфтон этади. Ҳар қадамда учрайдиган ўнқир-чўнқирлар ҳар қандай уловни ютаман, дейди гўё, дейилади хабарда.
Гулистон-2 маҳалласининг бош кўчасидаги йўлнинг ҳолати ҳам ўта ёмонлигини автотранспорт воситалари ҳаракатидан яққол кўриш мумкин. «Қадоқлар»дан қочган автомобиллар йўлнинг қатнов қисмида эмас, четида бир амаллаб ҳаракатланишга мажбур бўлмоқда.
Саъдий Шерозий номидаги маҳалланинг бош йўли, Ҳуррият-2 маҳалласининг «Дукур» номли ҳудудидаги йўллар аҳволи юқоридагилардан икки чандон ёмон бўлса ёмонки, асло яхши эмас.
Аҳолининг айтишича, гоҳ-гоҳ, эрта баҳорда, баъзан ёз ойларида мазкур йўллар таъмирланар, лекин, ҳеч қанча фурсат ўтмай яна эски ҳолига келиб қолар экан.
Изоҳ (0)