Аргентина пойтахти Буэнос-Айрес шаҳрида 30 ноябрь—1 декабрь кунлари бўлиб ўтадиган G20 саммитига саккиз мингдан ортиқ киши ташриф буюради ҳамда меҳмонхона ва ресторанларда 220 миллион Аргентина песосини (5,8 миллион доллар) сарфлайди. Шаҳарнинг кичик ва ўрта бизнеси бўйича тадқиқотлар маркази шундай хулосага келди, деб ёзмоқда «РИА Новости».
Тадқиқотга кўра, меҳмонхоналар саммит вақтида тахминан 200 миллион песо (5,1 миллион доллар), ресторанлар эса 28 миллион песо (716,5 минг доллар) даромад олади.
Ташкилот томонидан қайд этилишича, саммитнинг ўтказилиши Буэнос-Айресга тадбирдан кейин мамлакатда пайдо бўладиган янги инвестицион ва экспорт имкониятлари ҳисобига янада кўпроқ фойда беради.
Изоҳ (0)