Жанубий Кореянинг Samsung технологик концерни ишлаб чиқариш жараёнининг зарари туфайли касалликка чалинган ҳамда ушбу касалликлар туфайли вафот этган юзлаб ходимларнинг оила аъзоларидан кечирим сўради, деб хабар берди «Корреспондент.net».
23 ноябрь, жума куни концерн раҳбари Ки Нам Ким Жанубий Кореядаги телеканал жонли эфирида чиплар ва суюқ кристалли дисплейлар ишлаб чиқариш жараёнидаги саломатликка хавф туғдириши мумкин бўлган ҳолатларга қарши етарлича чоралар кўрилмаганидан афсусда эканлигини маълум қилган.
«Биз турли касалликлардан азият чекаётган ходимлар, шунингдек уларнинг оила аъзоларидам кечирим сўраймиз», — дейди у.
Бундан ташқари, концерн иш жойида зарарли кимёвий моддалар билан ишлагани оқибатида касалликка чалинган собиқ ва ҳозирги ходимларга товон пули тўлашга рози бўлди.
Келгуси ўн йилда уларга 150 миллион вонгача (116 минг евро атрофида) товон пули тўланади.
Samsung компанияси раҳбарияти ва ходимлари ўртасидаги келишмовчилик 2007 йилда 23 ёшли қизнинг лейкемиядан вафот этганидан сўнг бошланган эди. Унинг отаси концерн билан келишув имзолашдан бош тортиб, Samsung ходимлари ичидан ҳамфикрларини топган ҳамда зарарли ишлаб чиқариш жараёнида ходимлари саломатлиги учун концерн масъуллигини таъминлашга йўналтирилган ҳаракат ташкил этган эди.
Изоҳ (0)