Боливияда Перунинг Куско шаҳрига учаётган Peruvian Airlines авиакомпаниясига тегишли самолётнинг шошилинч қўниши вақтида фавқулодда ҳолат юз берди. Бу ҳақда «Корреспондент.net» хабар берди.
Бортида 127 киши ҳамда беш нафар экипаж аъзоси бўлган Boeing 737 самолёти 22 ноябрь куни Эл-Алто аэропортига қўниш вақтида силкинди ва шассиси узилиб кетди. Ҳодиса оқибатида самолёт ёни билан учиш-қўниш йўлагига ётиб қолган.
Маҳаллий расмийларнинг маълумотларига кўра, ҳодиса оқибатида ҳеч ким жабрланмаган, бироқ ҳодисадан кейин аэропорт бир неча соатга ёпилган ва рейслар бекор қилинган.
Самолёт автокран ёрдамида учиш-қўниш йўлагидан олинган. Ҳодиса юзасидан текширув бошланган, унинг сабаблари ҳозирча номаълум.
Изоҳ (0)