Трамп Саудия Арабистонига нефть нархлари тушгани учун миннатдорлик билдирди

АҚШ президенти Дональд Трамп Саудия Арабистонига нефть нархи тушгани учун миннатдорлик билдирди, деб ёзади Meduza.

Oil prices getting lower. Great! Like a big Tax Cut for America and the World. Enjoy! $54, was just $82. Thank you to Saudi Arabia, but let’s go lower!

— Donald J. Trump (@realDonaldTrump) November 21, 2018

«Нефть нархлари пасаймоқда. Ажойиб! Бу Америка ва дунё учун солиқларнинг кескин пасайтирилишига ўхшайди. Роҳатланинг! 82 доллар ўрнига 54 доллар. Раҳмат, Саудия Арабистони, аммо келинг, бундан ҳам пасаямиз!» — деб ёзди Трамп Twitter’да.

Аввалроқ АҚШ президенти Дональд Трамп баъзи ОАВлар Шукроналик куни (бу йил АҚШда 22 ноябрь куни нишонланади) арафасида бензиннинг жуда паст нархи туфайли юзага келаётган тирбандликларда уни айблаётганини маълум қилган ва бунинг учун америкаликлардан кечирим сўраган эди.