Nissan-Renault альянси раҳбари Карлос Гон ўз ёрдамчисига тўловлар ҳақидаги маълумотларни қалбакилаштириш бўйича тўғридан-тўғри буйруқлар берган, деб ёзади «Вести.ru».
Япониянинг «Асахи» газетаси хабарига кўра, текширув доирасида ушбу фактни тасдиқловчи электрон хатлар топилган. Карлос Гон ва Грег Келли 19 ноябрь, душанба куни қўлга олинган.
Токио прокуратурасидан даъво қилишларича, беш йил мобайнида Гон Nissan’дан мукофот пули сифатида қарийб 10 миллиард иена олган аммо солиқ декларациясида суммани икки марта камайтириб кўрсатган.
Айни пайтда коррупция можаросининг ҳар иккала иштирокчиси ҳам ҳибсда сақланмоқда, уларнинг ҳибс муддати яна ўн кунга узайтирилди.
Аввалроқ Nissan автоконцернининг ҳибсга олинган раҳбари Карлос Гон компания маблағи ҳисобига ҳашаматли уйлар харид қилгани хабар берилган эди.
Изоҳ (0)