Хитойнинг 1500 га яқин қирғизлар яшовчи Кайиз қишлоғида қарийб 300 киши қўлга олинди, деб ёзади KNews .
Қирғизистондаги хитойлик қайрилманлар (Қирғизистон ҳудудига кўчиб ўтган ёки кўчиб ўтиш истагида бўлган этник қирғизлар) этник қирғизлар қўлга олиниб, «сиёсий қайта тарбиялаш лагерлари»га жўнатилаётганини маълум қилмоқда. Уларнинг фикрича, булар лагерлар эмас, балки маҳбуслар қийноққа солинадиган қамоқхоналардир.
Хитойлик қирғизлар сўзларига кўра, одамлар оммавий равишда ва асоссиз тарзда қўлга олинмоқда. Синьцзяндаги олимлар ҳам ҳибсга олинаётгани ҳақида хабарлар бор.
Қирғизистон ҳукумати хитойлик қирғизлар муаммосига кўз юмаётгани айтилмоқда. Расмий ҳукуматдан жавоб ололмагач, қайрилманлар Қозоғистоннинг «Ата-Журт ёш кўнгиллилари» ташкилотига мурожаат этмоқда.
Изоҳ (0)