Самарқанд вилоятининг Каттақўрғон туманида хитойлик инвесторлар билан ҳамкорликда цемент ишлаб чиқаришга ихтисослашган қўшма корхонага тамал тоши қўйилди. Бу ҳақда «Turon 24» хабар бермоқда.
Лойиҳанинг умумий қиймати 420 миллион АҚШ долларига тенг. Мазкур заводда йилига 2,4 миллион тонна цемент ишлаб чиқарилади.
Завод қурилишининг биринчи босқичи 2018—2020 йилларда бажарилади. Бу босқичда 220 миллион доллар миқдоридаги инвестиция ҳисобига йилига 1,2 миллион тонна цемент ишлаб чиқариш қувватига эга дастлабки блок ишга туширилади.
2020—2023 йилларда қурилишнинг иккинчи босқичи амалга оширилади. Корхона тўла қувват билан ишга тушгач, 1000 дан зиёд иш ўрни яратилади.
Изоҳ (0)