Шавкат Мирзиёев Қозоғистон президенти Нурсултон Назарбоев билан телефон орқали мулоқотда бўлди. Бу ҳақда Президент матбуот хизмати хабар берди.
Суҳбат давомида давлат раҳбарлари олий даражадаги келишувларнинг амалга оширилиши жараёнларини муҳокама қилди. Шунингдек, бўлажак ҳамкорликдаги тадбирлар жадвали кўриб чиқилди.
Минтақавий ва халқаро кун тартибидаги долзарб масалалар, хусусан, 2019 йилда Ўзбекистонда ўтказиладиган Марказий Осиё давлатлари раҳбарларининг иккинчи маслаҳатлашув учрашувига тайёргарлик юзасидан фикр алмашилди.
Томонлар жорий йил 15 ноябрь куни Чимкент шаҳрида илк минтақалараро форум муваффақиятли ўтганини мамнуният билан қайд этди. Икки мамлакат ўртасидаги ўзаро ҳамкорлик алоқалари янада ривож топишига ишонч билдирди.
Изоҳ (0)