Raspberry Pi Foundation ўзининг энг кучли микрокомпьютерининг арзонроқ талқинини тақдим этди. Янги қурилма Raspberry Pi 3 Model А+ номини олди ва унинг нархи 25 доллар туради. Бу ҳақда «Нано технология» хабар берди.
Raspberry Pi 3 Model А+ модели тўрт ядроли Broadcom BCM2837Б0 процессорга асосланган бўлиб, ишлаш частотаси 1,4 гигагерсга тенг. Шунингдек, қурилма тўлиқ ўлчамли HDMI портига ҳамда Bluetooth 4.2 ва Wi-Fi модулларига эга. Бу эса унинг оддий фойдаланувчилар томонидан ишлатилишини енгиллаштиради.
Янги микрокомпьютернинг 35 доллар турадиган aModel B+ талқинидан 10 доллар арзонлашишига Ethernet портининг олиб ташланиши, тезкор хотира ҳажмининг 1 гигабайтдан 512 мегабайтга туширилгани, тўртта USB 2.0 портининг ўрнига битта ўрнатилгани сабаб бўлган.
Изоҳ (0)