Хитойнинг Xiaomi компанияси AirDots симсиз қулоқчинларини ишлаб чиқарди. Улар AirPods тамойили бўйича ишлайди, бироқ беш баравар арзонроқ туради. Ишлаб чиқарувчи ўз маҳсулотини 29 долларга баҳолаган. Бу ҳақда «Корреспондент.net» хабар берди.
AirDots’нинг бир марта тўлиқ қуввати тўрт соат давомида қўшиқ тинглаш учун етади, қувватловчи қути билан эса 12 соатгача ишлай олади.
Шунингдек, битта қулоқчиндан сўзлашиш учун ҳам фойдаланиш мумкин. Иш вақтида қурилма Bluetooth 5.0 дан фойдаланади.
Ҳар бир қулоқчиннинг корпуси сенсорли панелга эга. Унга тегиш орқали мусиқани ўтказиш, паузага қўйиш ва қўнғироқларга жавоб бериш мумкин.
Изоҳ (0)