Ҳиндистон жануби-шарқидаги Тамилнанд штатида кузатилаётган Гажа циклони қурбонлари сони 20 кишига етди, деб хабар берди «ТАСС».
Аввалроқ 11 кишининг ҳалок бўлгани ҳақида хабар берилган эди.
Ушбу штатга 15 ноябрь куни кечаси циклон ёпирилди.
Циклон Бенгал кўрфазидан ҳаракатланмоқда. Унга кучли шамол ва ёмғир ҳамроҳлик қилмоқда.
Циклон яқинлашаётган туманлардан 76 мингдан кўпроқ киши эвакуация қилинган. Улар учун олтита округда 300 та вақтинча яшаш марказлари ташкил этилган.
Циклон электр тармоқлари фаолиятига путур етказган, кўплаб темир йўл маршрутлари рейслари бекор қилинган. Қирғоққа яқин ҳудудлардаги мактаблар ёпилган, аксарият ташкилотлар ишламаяпти.
Изоҳ (0)