ЛДПР етакчиси Владимир Жириновский болшевиклар етакчиси Владимир Лениннинг жасадини кўмиш таклифини қўллаб-қувватлади. Бу ҳақда «РИА Новости» хабар бермоқда.
Олдинроқ Ленинград вилояти қонунчилик мажлиси депутати Владимир Петров Ленин жасадини кўмиш бўйича махсус комиссия тузишни таклиф қилганди. Петровга кўра, инқилоб етакчисини васиятига биноан дафн этиш ва Ленин вафот этганига 100 йил тўладиган 2024 йилда видолашув маросимини ўтказиш лозим.
«Лениннинг Қизил майдондаги жасади биринчи галда унинг ўзини таҳқирлаш. Унинг онаси дафн этилишини сўраб ёлворган, яқин сафдоши Троский жасад барчага кўз-кўз қилинишига бутунлай қарши бўлган. Иличнинг танасини тупроққа қўйиш мавриди келди. Бунинг учун энг яхши жой Уляновскдаги отасининг ёки Санкт-Петербургдаги онасининг қабри», — дея таъкидлади Жириновский.
Изоҳ (0)