Инновацион ғоялар ҳафталиги InnoWeek—2018 да энг яхши инновацион лойиҳа номинациясида ғолиб бўлган Smart Chain компанияси Ўзбекистонда туризмни ривожлантириш ва музейлар фаолиятини янада яхшилаш борасида инновацион ёндашувларни таклиф этди. Бу ҳақда Инновацион ривожланиш вазирлиги ахборот хизмати маълум қилди, деб ёзади ЎзА.
Наззар — инновацион илова бўлиб, исталган материални тўлдирилган реаллик элементлари билан бойитиши мумкин. Smartфон Наззар белгисига йўналтирилса, мобил қурилма экранида реал объектнинг тасвири чиқиб, у турли эффектлар билан тўлдирилади.
Smart Chain компанияси мутахассислари таклиф этган инновацион иловалар орқали мамлакатнинг туристик салоҳиятини кенг тарғиб қилиш, ҳамда музейларни ёшлар ўртасида янада оммалаштириш мумкин. Ушбу карточкаларга смартфонни яқинлаштириш орқали тарихий объектларни «гавдалантириш», лавҳа фонида аудиоматнни эшитиш ёки уни 3D реаллигида томоша қилиш мумкин.
Бу бўйича мазкур компания билан Ўзбекистон Республикаси Инновацион ривожланиш вазирлиги, Маданият вазирлиги ва Туризмни ривожлантириш давлат қўмитаси ҳамкорликда тўрт томонлама меморандум тузишга келишиб олинди.
Изоҳ (0)