Хакерлар Twitter’да бир нечта машҳур фирмалар аккаунтларига ҳужум қилди, деб ёзади Meduza.
Улар орасида Британиянинг Pathe UK киностудияси, Американинг Pantheon Books нашриёти, шунингдек, Matalan кийим-кечак дўкони ҳам бор. Фирибгарлар уларни Илон Маскнинг саҳифаси ниқоби остига олиш учун, аккаунтларнинг номларини ва аватаркаларини ўзгартирди.
Аккаунтларни қўлга киритгач, фирибгарлар Илон Маск номидан биткоинларни тарқатиш акцияси бўлаётгани, уларни олиш учун махсус ҳисобга криптовалютада кичик суммани ўтказиш кераклигини маълум қилди. Шу тариқа, хакерлар фойдаланувчилардан 170 минг долларлик биткоинларни йиғиб олишга муваффақ бўлди.
Сўнгги ойларда Маскнинг номидан фойдаланиш хакерлар орасида шунчалик оммалашиб кетдики, сентябрда хатолик туфайли унинг ҳақиқий аккаунти блоклаб қўйилганди.
Изоҳ (0)