6 ноябрь санасида футбол бўйича Европа Чемпионлар Лигаси мусобақасининг 4-тур баҳслари бошланди. 4 та гуруҳ жамоалари 4-тур баҳсларини ўтказди.
Жумладан, «А» гуруҳида «Монако» ўз майдонида «Брюгге»ни қабул қилиб, навбатдаги мағлубиятни қабул қилди. Анри шогирдлари бу сафар бельгияликларга 0:4 ҳисобида мағлуб бўлди ва гуруҳдан чиқиш имкониятини бой берди.
«Атлетико Мадрид» эса сафардаги йирик мағлубият учун «Боруссия Дортмунд» билан ҳисоб-китоб қилиб олди. Мадридликлар Саул Нигес ҳамда Антуан Гризманнинг голлари эвазига 2:0 ҳисобидаги ғалабани қўлга киритди.
«B» гуруҳида эса «Интер» Миланда Каталониянинг «Барселона» клуби билан жавоб учрашувида майдонга тушиб, 1:1 ҳисобида дуранг ўйнади. Учрашувда ҳисобни 83-дақиқада каталонияликлар ярим ҳимоячиси Малком очди. 87-дақиқада эса Мауро Икарди гол киритиб, мезбонларни мағлубиятдан қутқариб қолди.
Иккинчи беллашувда «Тоттенҳэм» Лондонда «ПСВ Эйндховен» билан куч синашиб, 2:1 ҳисобида ғалаба қозонди.
«C» гуруҳида пешқадам «Ливерпуль» сафарда «Црвена Звезда» билан баҳс олиб бориб, кутилмаганда икки тўп фарқи билан мағлуб бўлди. Учрашувда Милан Павков 7 дақиқа ичида дублга эришди.
Иккинчи ва учинчи ўринлардаги «Наполи» ва ПСЖ эса Неаполда ўзаро ҳисоб-китоб қилиш учун майдонга тушиб, 1:1 ҳисобида дуранг қайд этди. 45-дақиқада ПСЖ ҳимоячиси Хуан Бернат Килиан Мбаппенинг узатмасидан сўнг ҳисобни очган бўлса, 62-дақиқада Лоренцо Инсинье пенальтидан гол уриб, ўйиндаги якуний ҳисобни ўрнатди.
«D» гуруҳида Туркиянинг «Галатасарой» жамоаси сафарда «Шальке-04»га қарши баҳс олиб бориб, 0:2 ҳисобида мағлуб бўлди. «Порту» эса ўз майдонида Москванинг «Локомотив» клубини 4:1 ҳисобида тор-мор этди.
Чемпионлар Лигаси
4-тур беллашувлари
6 ноябрь, сешанба
«А» гуруҳи
«Монако»—«Брюгге» 0:4
Голлар: 0:1 – 12 Ванакен, 0:2 – 17, пенальти Ванакен, 0:3 – 24 Уэсли, 0:4 – 85 Вормер.«Атлетико М»—«Боруссия Д» 2:0
Голлар: 1:0 – 33 Саул, 2:0 – 80 Гризманн.«B» гуруҳи
«Интер М»—«Барселона» 1:1
Голлар: 0:1 – 83 Малком, 1:1 – 87 Икарди.«Тоттенҳэм»—«ПСВ Эйндховен» 2:1
Голлар: 0:1 – 2 де Ёнг, 1:1 – 78 Кейн, 2:1 – 89, автогол Сейнсбери.«C» гуруҳи
«Црвена Звезда»—«Ливерпуль» 2:0
Голлар: 1:0 – 22 Павков, 2:0 – 29 Павков.«Наполи»—ПСЖ 1:1
Голлар: 0:1 – 45 Бернат, 1:1 – 62, пенальти Инсинье.«D» гуруҳи
Изоҳ (0)