Қозоғистоннинг Толдиқўрғон шаҳрида ўтказилган VII Халқаро театр фестивалида «Момо ер» спектакли иккита номинация бўйича мукофотни қўлга киритди. Спектакл Сирдарё вилояти мусиқали драма театри ижодкорлари томонидан саҳналаштирилган. Бу ҳақда Turon 24 хабар берди.
Фестивальнинг тақдирлаш маросими Толдиқўрғон мусиқали драма театрида ўтказилди.
Тадбир якунига кўра, Сирдарё вилояти мусиқали драма театри ижодкорлари, жумладан, Ўзбекистонда хизмат кўрсатган артист Мавлуда Маматиллаохунова – «Энг яхши аёл роли ижроси учун» ва Ўзбекистон Республикаси санъат арбоби Шуҳрат Абдумаликов «Энг яхши ссенография» номинациялари бўйича фестиваль мукофоти билан тақдирланишди.
Изоҳ (0)