Ўзбекистон ва Украина ўртасидаги товар айланмаси 2018 йилнинг 8 ойи давомида 54,1 фоизга ошиб, 268,4 миллион долларга етди. Бу ҳақда Украинанинг Тошкентдаги элчиси Юрий Савченко маълум қилди, дея хабар беради «Podrobno.uz».
«Икки давлат ўртасидаги товар айланмаси ошиб бормоқда ва бу энг юқори ижобий баҳоларга лойиқ. Бу йил Украина экспортининг ўсиши ўтган йилги ўзбек экспортидан суръати баландроқ. Асосан шакар ва бошқа товарлар туфайли», — дея қайд этди элчи.
Январь—август ойлари якуни бўйича Украинанинг Ўзбекистонга экспорти 187,4 миллион долларга етди (+83,6 фоиз), Киев томонидан ўзбек маҳсулотларининг импорти эса 81,1 миллион доллардан ошди (+12,4 фоиз).
Украина Ўзбекистонга асосан фармацевтика ва озиқ-овқат маҳсулотлари, шунингдек, турли жиҳозлар етказиб бермоқда.
Изоҳ (0)